«Թոթենհեմը» ցանկանում է ձեռք բերել «Ինտերի» պաշտպան Ստեֆան դե Վրեյին, հայտնում է Football Italia-ն:
Հոլանդացու հետ պայմանագիր կնքելը լոնդոնյան ակումբի գլխավոր մարզիչ Անտոնիո Կոնտեի առաջնահերթությունն է։
Հաղորդվում է, որ «Ինտերը» դեմ չէ դե Վրեյին վաճառելուն, քանի որ պաշտպանի պայմանագիրն ավարտվում է 2023 թվականի հունիսին:
Իսկ միլանյան ակումբը չի պատրաստվում այն երկարաձգել։
Ըստ աղբյուրի՝ Կոնտեի՝ որպես «Ինտերի» գլխավոր մարզիչ աշխատելու ընթացքում, մասնագետը լավ հարաբերություններ է զարգացրել 30-ամյա պաշտպանի հետ։
2021/22 մրցաշրջանում դե Վրեյը «ներաձուրիի» կազմում անցկացրել է 31 հանդիպում և դարձել մեկ գոլի հեղինակ։
