Թուրինի «Յուվենտուսի» հարձակվող Պաուլո Դիբալան խոսել է իր ֆիզիկական վիճակի մասին և կիսվել Չեմպիոնների Լիգայի 1/8 եզրափակչի «Վիլյառեալի» հետ պատասխան խաղից ունեցած սպասելիքներով։ (Առաջին խաղն ավարտվել է 1:1 հաշվով)։
«Արդեն լավ եմ, նորից շարքում եմ։ Եթե մարզիչը թույլ տա խաղալ կիրակի օրը, ապա կխաղամ։ Ցանկանում եմ օգնել թիմին բոլոր հանդիպումներում»։
Պետք է պատրաստվենք Չեմպիոնների Լիգայի «Վիլյառեալի» դեմ պատասխան խաղին:
«Վիլյառեալն» ուժեղ է, բայց մենք խաղում ենք տանը և ցանկանում ենք հաղթել»,- ասել է արգենտինացին:
«Յուվենտուս»-«Վիլյառեալ» հանդիպումը կկայանա մարտի 16-ին Թուրինում։ Սկիզբը՝ Երևանի ժամանակով կեսգիշերին:
