«Այաքսի» գլխավոր մարզիչ Էրիկ տեն Հագը մեկնաբանել է Չեմպիոնների Լիգայի փլեյ-օֆֆ փուլի 1/8 եզրափակչի «Բենֆիկայի» հետ ոչ-ոքին (2:2):
«Այդպիսի խաղից հետո դու խառը զգացողություններ ունես։ Սա մի կողմից լավ արդյունք է, մյուս կողմից՝ մենք բաց թողեցինք հաղթանակը։ 2-3 շատ լավ գոլային պահ չկարողացանք իրացնել։ Ալվարեսը, Գրավենբերխը և Անտոնին պետք է գոլ խփեին, բայց արդյունքում մենք գոլ բաց թողեցինք անկյունայինից հետո: «Բենֆիկայի» երկրորդ գոլն ընդհանրապես պարտադիր չէր»,- հոլանդացի մասնագետի խոսքերն է մեջբերում ՈւԵՖԱ-ի պաշտոնական կայքը:
Պատասխան խաղը կկայանա Ամստերդամում՝ մարտի 15-ին։
