«Էվերթոնի» գլխավոր մարզիչ Ֆրենկ Լեմպարդը մեկնաբանել է իր առաջին պարտությունը նոր թիմի ղեկին:
Պրեմիեր Լիգայի 24-րդ տուրի խաղում «Էվերթոնը» 1:3 հաշվով պարտվեց «Նյուքասլին»:
«Իհարկե, այս պահին ֆուտբոլիստների վստահության մակարդակը ցածր է:
Դա հարվածում է մեզ: Ես եկել եմ մի ակումբ, որը վատ արդյունքներ է ցույց տալիս։
Այս վիճակը անմիջապես շտկելու համար կախարդական փայտիկ չկա: Սա Պրեմիեր Լիգան է, այստեղ դժվար է: Միակ բանը, որ պետք է անել, քրտնաջան աշխատելն ու առաջ գնալն է»,- Լեմպարդի խոսքերն է մեջբերում BT Sport-ը։
