ՖԻՖԱ-ն հրապարակել է 2021 թվականի լավագույն ֆուտբոլիստի մրցանակի քվեարկության արդյունքները: (մրցանակը բաժին էր հասել «Բավարիայի» հարձակվող Ռոբերտ Լևանդովսկուն)։
Քվեարկությանը մասնակցել են ազգային հավաքականների ավագներն ու գլխավոր մարզիչները, ԶԼՄ-ների ներկայացուցիչներն ու երկրպագուները։
Արգենտինայի հավաքականի ավագ Լիոնել Մեսսին, ով քվեարկության արդյունքում զբաղեցրել է երկրորդ տեղը, իր ձայնը տվել է Նեյմարին (5 միավոր), և Կիլիան Մբապպեին՝ Երկուսն էլ ՊՍԺ-ում արգենտինացու թիմակիցներն են։ Մեսսին քվեարկել է նաև Մադրիդի «Ռեալի» հարձակվող Կարիմ Բենզեմայի օգտին (1 միավոր):
Պորտուգալիայի հավաքականի ավագ Կրիշտիանու Ռոնալդուն տարվա լավագույն ֆուտբոլիստ է ընտրել Ռոբերտ Լևանդովսկուն։ «Մանչեսթեր Յունայթեդի» ֆուտբոլիստը երկրորդ տեղում նշել է «Չելսիի» կիսապաշտպան Ն’Գոլո Կանտեին, իսկ երրորդում՝ նրա թիմակից Ժորժինյոյին։