Կիևի «Դինամոյի» գլխավոր մարզիչ Միրչա Լուչեսկուն մեկնաբանել է ՊՍԺ-ի հարձակվող Լիոնել Մեսսիին «Ոսկե գնդակի» շնորհումը։
«Կարծում եմ, որ սա ճիշտ ընտրություն է, քանի որ Մեսսին որոշիչ դեր խաղաց Ամերիկայի գավաթում Արգենտինայի հաղթանակում, որտեղ Եվրոպայի առաջնությունից ավելի ուժեղ մրցակցություն է: Մտածեք, թե Արգենտինայից, Բրազիլիայից, Կոլումբիայից, Չիլիից և Ուրուգվայից քանի հիանալի խաղացողներ են խաղում Եվրոպայի մեծ ակումբներում:
Մեսսիին հաճախ էին մեղադրում, որ նա չի կարող օգնել ազգային թիմին նվաճել գավաթը: Հիմա նա դա արեց, գոլեր խփեց, կարևոր փոխանցումներ կատարեց և թիմի ավագն էր։ Նաև չենք կարող ժխտել նրա ներդրումը ակումբում։ Առաջին կիսամյակում նա շարունակում էր մնալ ամբողջովին ավերված «Բարսելոնայի» շարժիչը՝ թիմը հավասարակշռելով 18-19 տարեկան այնպիսի ֆուտբոլիստների հետ, ինչպիսին Պեդրին է»,- Լուչեսկուի խոսքը մեջբերել է Playsport.ro-ն։
