Մադրիդի «Ռեալի» գլխավոր մարզիչ Կառլո Անչելոտտին ամփոփել է Չեմպիոնների Լիգայի «Շերիֆի» հետ հանդիպման արդյունքը (3:0).
«Մենք ճիշտ ուղու վրա ենք. ես սիրում եմ մեր խաղը: Թիմը լավ մարզավիճակում է, բոլորը ֆիզիկապես պատրաստված են։ Մեզ համար կարևոր է ավարտել առաջին տեղում, և մենք կձգտենք խմբային փուլն ավարտել այնպես, ինչպես սկսվեց։
Ալաբայի վնասվածքի մասին.
Մենք Ալաբային խաղից դուրս հանեցինք, քանի որ նա մի փոքր ցավեցրեց կոճը, բայց ես չեմ կարծում, որ դա որևէ լուրջ խնդիր կստեղծի: Մենք վստահ ենք, որ նա պատրաստ կլինի հաջորդ խաղերին»,- ասել է Անչելոտտին:
