«Լիվերպուլի» և Մադրիդի «Ռեալի» նախկին հարձակվող Մայքլ Օուենը, որը 2001 թվականին արժանացել է «Ոսկե գնդակին», խոսել է այն խաղացողների մասին, ովքեր պայքարում են այս տարվա մրցանակի համար։
«Այս տարի հավակնորդները շատ են։ Իհարկե, Մեսսին և Ռոնալդուն գերիշխում և նվաճում են այս մրցանակը ավելի քան 10 տարի:
Կարծում եմ՝ այս մրցաշրջանում մրցանակի համար պայքարում Մեսսին առաջ է անցել Ռոնալդուից։ Պատճառը Արգենտինայի հավաքականի հետ նրա սխրանքներն են, նա նվաճեց միջազգային մակարդակով գավաթ»,- ասել է Օուենը:
Հիշեցնենք, որ Մեսսին ունի վեց «Ոսկե գնդակ», Ռոնալդուն՝ հինգ։
«Ոսկե գնդակի» մրցանակաբաշխությունը տեղի կունենա նոյեմբերի 29-ին Փարիզում։
