Օգոստոսի 19-ին ՈւԵՖԱ–ի վերաքննիչ դատարանը վճռեց չեղյալ հայտարարել Լատվիայի «Վենտսպիլսի» ադմինիստրատոր Նիկոլայ Դյակինի պատիժը, ով մեղադրվում էր ռուս մրցավար Սերգեյ Լապոչկինին կաշառելու փորձի մեջ, ով նույն գործով պատժվել էր 10 տարվա որակազրկմամբ:
Հունիսի սկզբին ՈւԵՖԱ–ի վերահսկողական, կարգապահական և էթիկայի ինստիտուտները Դյակինին 4 տարով արգելեցին ֆուտբոլի հետ կապված որևէ գործունեություն իրականացնել՝ Եվրոպա գավաթի խաղերի մրցավարին կաշառելու փորձի մեղադրանքով: Այժմ Դյակինից հանվել են բոլոր պատժամիջոցներն ու մեղադրանքները: Այդ մասին տեղեկացնում է SILA International Lawyers իրավաբանական ընկերությունը:
Լապոչկինը ստացել է 10 տարվա որակազրկում՝ ՈւԵՖԱ–ին իրազեկելու համար «Վենտսպիլսի» ներկայացուցիչների կողմից իրեն համոզելու՝ ազդելու Եվրոպալիգայի խաղի ելքի վրա: Խոսքը «Վենտսպիլսի»՝ «Բորդոյի» դեմ որակավորման խաղի մասին է, որը կայացել է 2018 թվականի ամռանը:
Հետաքննության ավարտից հետո «Վենտսպիլսը» 7 տարով որակազրկվեց եվրոպական մրցումներին մասնակցելու իրավունքից, իսկ ակումբի նախագահ Ադլան Շիշխանովը ցմահ որակազրկվեց:
Լապոչկինը հայտարարել է, որ ոչ մի կանխամտածված գործողություն չի կատարել ՈւԵՖԱ–ի կանոնակարգը խախտելու համար:
