Տոկիոյում մեկնարկել է ամառային 32-րդ Օլիմպիական խաղերը, որի ֆուտբոլային մրցաշարի շրջանակներում արդեն ունենք առաջին անակնկալ արդյունքը: Իսպանացիներն իրենց մեկնարկային խաղում 0-0 խաղացին եգիպտոսցիների հետ:
Առաջին խաղակեսի վերջում ծանր վնասվածք ստացավ իսպանացիների առաջատարներց Դանի Սեբալյոսը: Խաղային դրվագներից մեկում եգիպտոսցի հարձակվող Մոհամեդ Տահերը կանգնեց Սեբալյոսի ձախ կոճին: Բժիշկները բավականին երկար ժամանակ իսպանացուն օգնություն էին ցուցաբերում, ինչից հետո Սեբալյոսի փոխարեն խաղադաշտ մտավ Խոն Մոնկայոլան:
Այս խմբում ընդգրկված են նաև Ավստրալիան ու Արգենտինան։
Երկրորդ տուրում Իսպանիան կխաղա Ավստրալիայի, իսկ Եգիպտոսը՝ Արգենտինայի հետ: Երկու հանդիպումներն էլ կկայանան այս կիրակի:
? | Brutal foul on Ceballos. After VAR consultation only yellow card. pic.twitter.com/FYJhgFeIVz
— Blancos Central (@BlancosCentral) July 22, 2021
