«Մանչեսթեր Յունայթեդի» լեգենդար նախկին պաշտպան Գարի Նևիլը կարծում է, որ «կարմիր սատանաներին» անհրաժեշտ է բարձրակարգ մարզիչ:
«Ամռանը ակումբում կարևոր կադրային որոշումներ են սպասվում, մասնավորապես գլխավոր մարզչի նշանակման հարցում։ Պետք է ճիշտ ընտրություն կատարել՝ հաջորդ մրցաշրջանում Տուխելի, Գվարդիոլայի և Կլոպի հետ մրցելու համար։ Եթե ձեր մարզիչը չկարողանա հավասար պայմաններում նրանց դեմ կանգնել, ապա ձեզ ջարդ է սպասվում:
Վերջին տարիներին կարելի էր տեսնել, որ այս առաջնությունում հաջողությունը գալիս է ուժեղ մարզիչներից։ «Մանչեսթեր Յունայթեդին» ուժեղ մասնագետ է պետք, որպեսզի մրցի նրանց հետ, ովքեր այժմ բարձունքում են»,- Նևիլի խոսքերն է մեջբերում Sky Sports-ը:
