Ֆրանսիայի հավաքականի նախկին կիսապաշտպան Էմանուել Պետին խոսել է ՊՍԺ-ի հարձակվողներ Կիլիան Մբապպեի և Լիոնել Մեսսիի մասին։
«Այսօր ՊՍԺ-ի արքան Կիլիան Մբապպեն է, և ես չեմ հասկանում, թե ինչու Լիոնելը չի փորձում անընդհատ խաղալ նրա համար: Երբ «Ռեալի» դեմ Նեյմարը դուրս եկավ խաղադաշտ, ամեն ինչ այնքան ակնհայտ էր, Մեսսին անընդհատ փնտրում էր նրան ու փորձում կոմբինացիաներ անել Նեյմարի հետ:
Մեսսին 15 տարի բարձունքում էր, բայց նոր արքան Մբապպեն է, և այժմ Լեոյի հերթն է ծառայելու Կիլիանին, եթե նա ցանկանում է հաղթահարել դա, վճռել խաղերի ելքը և նվաճել փարիզցիների սրտերը:
Տպավորություն ունեմ, որ Մեսսին ցանկանում է իր վրա վերցնել խաղը, բայց ոչ թե Լեոն է ղեկավարում այն, այլ Կիլիանը»,- Պետիի խոսքերն է փոխանցում RMC Sport-ը:
