Մադրիդի «Ռեալը» մտադիր է ամառային տրանսֆերային պատուհանի ընթացքում ձեռք բերել նոր ձախ պաշտպանի։
Մադրիդյան ակումբը հետաքրքրություն է ցուցաբերում երեք ֆուտբոլիստի նկատմամբ։
Առաջինը Սերխիո Ռեգիլոնն է «Թոթենհեմից»: Ֆուտբոլիստը լոնդոնյան ակումբ է տեղափոխվել 2020 թվականին Մադրիդի «Ռեալից», և մադրիդցիներն իրավունք ունեն հետ գնել նրան 40 միլիոն եվրոյով։ Այս հնարավորությունը Մադրիդի «Ռեալը» կունենա մինչև ամառ։
Երկրորդ տարբերակը «Լայպցիգի» ֆուտբոլիստ Անխելինյոն է։ Նրա տրանսֆերը «Ռեալի» համար կարող է արժենալ 30 միլիոն եվրո։
Մեկ այլ ֆուտբոլիստ, որով հետաքրքրված է ակումբը, Խոսե Գայան է «Վալենսիայից»: Նրա տեղափոխությունը դժվար կլինի կազմակերպել։ Մադրիդի «Ռեալը» արդեն փորձել է ձեռք բերել ֆուտբոլիստին 3 տարի առաջ, սակայն փորձերն արդյունք չեն տվել ։
