Պաշտպան Ալեքսանդր Կոլարովը խզել է պայմանագիրը «Ինտերի» հետ, որը նախատեսված էր մինչև 2022 թվականի հունիսը, հայտնում է լրագրող Նիկոլո Սկիրան։

36-ամյա խաղացողը կարող է ավարտել կարիերան և ընդգրկվել միլանյան ակումբի մարզչական շտաբում, հայտնում է Semper Inter-ը հղում անելով՝ Tuttosport-ին։

Այս մրցաշրջանում Կոլարովը բոլոր մրցաշարերում միասին անցկացրել է ընդամենը 4 հանդիպում։ Սերբ ֆուտբոլիստը «Ինտերում» հանդես է գալիս 2020 թվականից: