Անգլիացի պաշտպան Հարի Մագուայրը կարող է երկարաձգել իր պայմանագիրը «Մանչեսթեր Յունայթեդի» հետ։ Հայտնի լրագրող Ֆաբրիցիո Ռոմանոյի խոսքով՝ ակումբն արդեն սկսել է բանակցություններ խաղացողի ներկայացուցիչների հետ նոր աշխատանքային պայմանագրի վերաբերյալ։
Կողմերը միայն նախնական հանդիպում են ունեցել, և նոր համաձայնագրի մանրամասների վերաբերյալ հետագա քննարկումները նախատեսված են մոտ ապագայում։ Մագուայրը «Մանչեսթեր Յունայթեդում» խաղում է 2019 թվականից։
Այս մրցաշրջանում խաղացողը մասնակցել է վեց խաղի և կատարել մեկ գոլային փոխանցում։ Նրա թիմը ներկայումս Պրեմիեր լիգայի աղյուսակում զբաղեցնում է տասներորդ տեղը։
