Պորտուգալիայի ազգային հավաքականի գլխավոր մարզիչ Ռոբերտո Մարտինեսը կարծում է, որ հարձակվող Կրիշտիանու Ռոնալդուն դեռևս հաղթանակների ծարավ է։
«Նա ամեն օր ապրում է այնպես, կարծես առաջին անգամն է խաղադաշտում։ Նրա նվիրվածությունը, թարմությունը, որը նա պահպանում է ամեն օր աննկարագրելի է: Նա հաղթող է։ Ռոնալդուն դեռ հաղթանակների ծարավ է։
Կրիշտիանուն անում է ամեն ինչ, ինչ կարող է, բայց երկարաժամկետ նպատակներ չունի։ Նա ուզում է ամեն օր լավագույնը լինել։ Նրա ուշադրությունը կենտրոնացած է ներկայի վրա։
Ես արդեն շատ եմ խոսել այն մասին, թե ինչ է նա բերում։ Բայց սրանք ապագայի մասին խոսքեր չեն, սրանք ամեն օր տեղի ունեցող բաներ են։ Ազգային հավաքականի մարզաշապիկը հագնելը նշանակում է ավագի ուղերձը հանդերձարանում։ Եվ դա շատ է օգնում», – Մարտինեսի խոսքերն է մեջբերում ESPN-ը։
