Կատալոնական «Բարսելոնան» պլանավորում է թիմի պաշտպանության գծի համար նոր խաղացող ձեռք բերել։ Այս մասին հաղորդում են Mundo Deportivo-ի լրագրողները։
Աղբյուրի համաձայն՝ «կապտանռնագույնները» դիտարկում են հինգ հավանական նորեկների։ Լա Լիգայի չեմպիոնը ամենամեծ հետաքրքրությունն է ցուցաբերում Լիսաբոնի «Սպորտինգի» պաշտպան Գոնսալո Ինասիոյի նկատմամբ։ Բացի այդ, «Բարսելոնայի» տրանսֆերային ցուցակում են Մուրիլյոն (Նոթինգհեմ Ֆորեսթ), Մարկ Գեհին (Քրիստալ Փելաս), Լուկաս Բերալդոն (ՊՍԺ) և Լուիս Բենեդետին (Պալմեյրաս)։
Իսպանիայի առաջնության երեք տուրից հետո Հանս-Դիտեր Ֆլիկի սաները զբաղեցնում են չորրորդ տեղը մրցաշարային աղյուսակում։
