«Բավարիայի» հարձակվող Հարի Քեյնը գովաբանել է իր նախկին թիմակից Մաթիս Թելի հեռանկարները, ով վերջերս է միացել «Թոթենհեմին»։ Հուլիսին «Թոթենհեմը» 20-ամյա խաղացողին գնել է մյունխենյան ակումբից 35 միլիոն եվրոյով։
«Մաթիսը հսկայական ներուժ ունի։ Անկախ նրանից, թե հարձակման որ դիրքում է խաղում, նա միշտ կարողանում է տեղ գտնել վտանգավոր գոտիներում, նա լավ է ավարտում և հիանալի է բոլոր իրավիճակներում։
Բայց ես չեմ ուզում չափազանց շատ ճնշում գործադրել նրա վրա։ Նա դեռ շատ երիտասարդ է և պետք է խաղա Պրեմիեր լիգայում։ Չնայած նա փորձ է ձեռք բերել «Բավարիայում», նա դեռ պետք է զարգանա, նա գիտի դա և քրտնաջան աշխատում է իր վրա։ Ես պարզապես ուզում եմ, որ նա վայելի խաղը և վստահ լինի։ Հուսով եմ, որ նա կարող է փայլել Պրեմիեր լիգայում», – Քեյնի խոսքերն է մեջբերում Bayern & Germany-ն։
Մաթիս Թելը նախորդ մրցաշրջանի երկրորդ կեսին վարձավճարով խաղացել է «Թոթենհեմի» կազմում՝ 20 խաղում խփելով երեք գոլ և կատարելով երկու գոլային փոխանցում։
