Եթե Հական Չալհանօղլուն հեռանա «Ինտերից», ակումբն արդեն գիտի, թե ով կփոխարինի նրան։
Պորտուգալական A Bola թերթի տվյալներով՝ միլանցիները դիտարկում են «Բենֆիկայից» Օրկուն Կոկչուին։ Թուրք կիսապաշտպանը տեղյակ է «Ներաձուրիի» հետաքրքրության մասին և դեմ չէ տեղափոխվել Սերիա Ա։
Այնուամենայնիվ, «Ռոման» նույնպես հետաքրքրված է Կոկչուով։ Մայրաքաղաքային ակումբն արդեն կապ է հաստատել խաղացողի շրջապատի հետ՝ հնարավոր տրանսֆերը քննարկելու համար։ Սակայն խաղացողն ինքը ավելի շատ հետաքրքրված է «Ինտերում» խաղալու գաղափարով։
Ինչ վերաբերում է Չալհանօղլուի հետ կապված իրավիճակին, նրա` «Գալաթասարայ» տեղափոխությունը միայն ժամանակի հարց է։ Միլանյան ակումբը թուրք կիսապաշտպանին գնահատում է 30-40 միլիոն եվրո։
Բացի այդ, «Ատլետիկոն» հետաքրքրված է Դավիդե Ֆրատեսիով, և նրա հնարավոր վաճառքը կօգնի «Ինտերին» միջոցներ գտնել նոր գնումների համար։
«Ինտերը» պատրաստ է բանակցություններ սկսել «Բենֆիկայի» հետ Կոկչուի համար մոտ 40 միլիոն եվրոյի դիմաց, չնայած խաղացողի պայմանագրում կա 150 միլիոնի ազատման կետ։
