Լոնդոնի «Արսենալի» նախկին խաղացող Ժորժինյոն, ով լքել էր «Արսենալը» որպես ազատ գործակալ, պայմանագիր է կնքել բրազիլական «Ֆլամենգոյի» հետ։ Այս մասին հայտնում է թիմի պաշտոնական կայքը։
33-ամյա ֆուտբոլիստի հետ, ով խաղում է որպես պաշտպանողական կիսապաշտպան, պայմանագիրը կնքվել է 3 տարի ժամկետով։ Ժորժինյոն ստացել է 21 համարի խաղաշապիկը։
«Արսենալից» առաջ խաղացողը եղել է «Չելսիի», «Նապոլիի» և մի շարք ոչ այնքան հայտնի թիմերի կազմում։ Անցյալ մրցաշրջանում Ժորժինյոն խաղադաշտում անցկացրել է 27 խաղ և խփել 1 գոլ բոլոր հնարավոր մրցաշարերում։ Հեղինակավոր Transfermarkt պորտալը նրա արժեքը գնահատում է 6 միլիոն եվրո։
