«Ինտերի» գլխավոր մարզիչ Սիմոնե Ինձագին ամփոփել է Չեմպիոնների Լիգայի եզրափակիչը ՊՍԺ-ի դեմ (0-5):
«Ես հպարտ եմ այս տղաներով: Այսօր մենք մրցեցինք մի թիմի հետ, որը արժանի էր հաղթանակի, որը, հավանաբար, մեզանից ավելի ուժեղ էր: Մենք խաղը վատ սկսեցինք, գոլեր բաց թողեցինք, իսկ հետո սկսեցինք չափազանց լայն խաղալ՝ հեշտացնելով նրանց գործը:
Այսօր մենք բաց թողեցինք այնպիսի գոլեր, որոնք երբեք բաց չէինք թողել: Այս սարսափելի պարտությունը չի չեղարկում մեր արածը։ Առաջին հերթին պետք է ավելի լավ խաղայինք։
Մենք այս մրցաշրջանում տիտղոսներ չնվաճեցինք, բայց դա նորմալ է, պետք է արժանին մատուցենք այս թիմին», – Ինձագիի խոսքերն է մեջբերում լրագրող Ջանլուկա Դի Մարցիոն։
«Ինտերը» Չեմպիոնների Լիգայի եզրափակչում կրեց իր պատմության մեջ չորրորդ պարտությունը։ Թիմը նաև երեք անգամ հաղթել է մրցաշարը։
ՊՍԺ-ն իր պատմության մեջ առաջին անգամ դարձավ Չեմպիոնների Լիգայի հաղթող։
