«Մանչեսթեր Սիթիի» գլխավոր մարզիչ Պեպ Գվարդիոլան խոսել է Կևին Դե Բրույնեի հեռանալու մասին։
Այսօր՝ ապրիլի 4-ին հայտնի դարձավ, որ բելգիացին մրցաշրջանի ավարտից հետո կլքի թիմը։
«Տխուր օր։ Բայց նաև ուրախ օր, որովհետև ես անձամբ հաճույք էի ստանում Կևինի հետ շփվելուց։ Նա մեզ տվել է իր ողջ խոնարհությունը և մեծ ազդեցությունը մեր ընդհանուր հաջողության վրա վերջին տասնամյակի ընթացքում։ Առանց նրա անհնար կլիներ պատկերացնել։
Երբ Վենսան Կոմպանին, Սերխիո Ագուերոն կամ Դավիդ Սիլվան հեռացան, դրանք նույնպես տխուր օրեր էին։ Մենք դեռ կունենանք 10, հուսանք՝ 11 հանդիպում, որոնք կարող ենք վայելել մեր երկրպագուների հետ։ Դրանցում Կևինը կստանա իր արժանի սերն ու ճանաչումը։
Միշտ պետք է զգույշ լինել վերջին մի քանի տասնամյակների ընթացքում խաղացողներին գնահատելիս։ Բայց խոստովանենք, որ Դե Բրույնեն մեծագույններից մեկն է, կասկած չկա։ Նրա հետևողականությունը, բացառությամբ վերջին տարվա, երբ սկսվեցին վնասվածքները, զարմանալի է»,- Գվարդիոլայի խոսքերն է մեջբերում Sky Sports-ը։
