«Բարսելոնան» շարունակում է փնտրել 36-ամյա հարձակվող Ռոբերտ Լևանդովսկու հնարավոր փոխարինողի տարբերակները, ում պայմանագրի ժամկետը լրանում է 2026 թվականի ամռանը։
Այս մասին հայտնում է Sport.es-ը։
Աղբյուրի համաձայն՝ կատալոնական ակումբին առաջարկել են «Յուվենտուսի» 25-ամյա հարձակվող Դուշան Վլահովիչի և «Նապոլիի» 26-ամյա հարձակվող Վիկտոր Օսիմհենի թեկնածությունը։
Թուրինյան ակումբը պատրաստ է մատչելի գնով վաճառել սերբ ֆուտբոլիստին, քանի որ նրա պայմանագրի ժամկետը լրանում է 2025/26 մրցաշրջանի ավարտին։ Միաժամանակ, «ծեր տիկինը» ցանկանում է Վլահովիչին ներառել «Բարսելոնայի» ֆուտբոլիստ գնելու գործարքում, ում անունը չի նշվում։
«Նապոլին» պատրաստ է վաճառել Օսիմհենին գալիք ամռանը, սակայն ֆուտբոլիստին գնահատում է 75 միլիոն եվրո, ինչն այս պահին թանկ տարբերակ է «բլաուգրանայի» համար։
