Նախկին ֆուտբոլիստ Ջեյմի Կարագերը կարծում է, որ Պեպ Գվարդիոլան ճգնաժամային իրավիճակներում թիմը գլխավորելու փորձ չունի:
Երեկ «Մանչեսթեր Սիթին» Չեմպիոնների լիգայի 6-րդ տուրում պարտվեց «Յուվենտուսին» (0:2): Նրանք վերջին 10 հանդիպումներում միայն մեկ հաղթանակ են տարել։
«Նա մտածում է. «Ինչո՞ւ ես ստորագրեցի այս պայմանագիրը»: Անհնար է հավատալ, թե ինչ է կատարվում։ Սա լուրջ ճգնաժամ է։ Մեծագույն մարզիչը, թերևս բոլոր ժամանակների ամենահաջողակը, այս պահին ծանր իրավիճակում:
Նա փորձեց տարբեր բաներ՝ տարբեր համակարգեր, ֆուտբոլիստներ տարբեր դիրքերում, և նրա նման մեծ մարզիչն իսկապես տառապում է, նրա համար դժվար է: Նա նախկինում երբեք չի անցել նման իրավիճակի միջով, ուստի նա նման իրավիճակում փորձ չունի:
Հավանաբար, ամբողջ աշխարհում շատ մարզիչներ Պեպին նայում են չար ժպիտով: Նրանք չեն վայելում այն, ինչի միջով նա ապրում է, նրանք պարզապես մտածում են. «Պեպ Գվարդիոլան վերջապես զգում է այն, ինչի միջով մենք բոլորս ենք ապրել մեր կարիերայի ինչ-որ պահի»,- ասել է «Լիվերպուլի» նախկին խաղացողը CBS-ի եթերում:
