Հարձակվող Մոհամեդ Սալահն այս մրցաշրջանի ավարտից հետո կարող է հեռանալ «Լիվերպուլից»: Այս մասին հայտնում է CaughtOffside-ը։
Ինչպես հայտնի է դարձել աղբյուրին, անգլիական Պրեմիեր Լիգայի գրանդը հետաքրքրված է երեք խաղացողներով, որոնցից մեկը կարող է փոխարինել եգիպտացուն։ Խոսքը Կարիմ Ադեյեմիի («Բորուսիա Դորտմունդ»), Օմար Մարմուշի («Այնտրախտ Ֆրանկֆուրտ») և Մոհամեդ Կուդոսի («Վեսթ Հեմ») մասին է։
Սալահը «Լիվերպուլի» գույները պաշտպանում է 2017 թվականի ամառվանից։ Կողմերի միջեւ գործող աշխատանքային պայմանագրի ժամկետը լրանում է հաջորդ տարվա հունիսի վերջին։ Ֆուտբոլիստի շուկայական արժեքը կազմում է 55 միլիոն եվրո։
