«Բարսելոնայի» և Իսպանիայի հավաքականի նախկին կիսապաշտպան Անդրես Ինյեստան կհայտարարի իր կարիերան ավարտելու մասին։
Ինչպես տեղեկացնում է Relevo-ն, «Բարսելոնայի» և Իսպանիայի հավաքականի 40-ամյա նախկին կիսապաշտպանը կհայտարարի այդ մասին հոկտեմբերի 8-ին։
Կարիերայի մեծամասնությունն Ինյեստան անցկացրել է 8 համարի խաղաշապիկով։
Ֆուտբոլիստը սոց․ կայքերում տեսանյութ է տեղադրել և գրել․ «Հոկտեմբերի 8։ Իմ նոր ապագան»։
COMING SOON🔜8️⃣🔟2️⃣4️⃣ pic.twitter.com/H0eaSKkTwU
— Andrés Iniesta (@andresiniesta8) October 1, 2024
Ինյեստան «Էմիրեյթսից» հեռանալուց հետո մնացել է ազատ գործաալի կարգավիճակում:
2018-ից 2023 թվականներին կիսապաշտպանը հանդես է եկել «Վիսել Կոբեում»։ Մինչ այս Ինյեստան իր ողջ կարիերան անցկացրել է «Բարսելոնայում»։ Կատալոնական ակումբի հետ նա 4 անգամ հաղթել է Չեմպիոնների Լիգան, 9 անգամ դարձել է Իսպանիայի չեմպիոն, 6 անգամ՝ երկրի գավաթակիր։
Իսպանիայի հավաքականի կազմում Ինյեստան դարձել է աշխարհի և Եվրոպայի չեմպիոն։
