Մադրիդի «Ռեալի» նախկին պաշտպան Ռոբերտո Կառլոսը խոսել է մադրիդցի վինգեր Վինիսիուս Ժունիորի նկատմամբ ռասիստական բռնությունների մասին։
«Ես չեմ կարծում, որ Իսպանիան ռասիստական երկիր է: Ես ճանաչում եմ Վինիսիուսին, ես մեծ համակրանք ունեմ նրա նկատմամբ և եթե նա սխալվի, ես կտեղեկացնեմ նրան։
Իսպանիան գիտի, որ Վինիսիուսի նման ֆուտբոլիստների շնորհիվ ֆուտբոլը շատ է զարգանում։ Նա շատ է տառապում խաղադաշտում և դրանից դուրս: Նույն բանն այստեղ ապրեցի, բայց ծիծաղեցի, ոչ մեկին չվիրավորեցի։ Յուրաքանչյուր ոք իրեն տարբեր կերպ է պահում:
Երբ ես ստացա գնդակը, իմ հասցեին վիրավորական վանկարկումներ հնչեցին։ Եվ ես հաճախ էի ասում թիմակիցներիս, որ ինձ ավելի շատ գնդակը տան, քանի դեռ մարդիկ չեն հոգնել:
Որպեսզի Վինիի հարցը փակվի, երկրպագուները պետք է իրենց լավ պահեն, որպեսզի խաղադաշտ դուրս եկողները լավ ժամանակ անցկացնեն»,- Կառլոսի խոսքերն է մեջբերում Marca-ն։
