«Թոթենհեմի» պաշտպան Էմերսոն Ռոյալը առաջիկա տրանսֆերային պատուհանի ընթացքում կարող է փոխել ակումբային գրանցումը։ Ինչպես հայտնի է դարձել Bild-ին, 25-ամյա բրազիլացու ծառայություններով հետաքրքրված է Մյունխենի «Բավարիան»։
Հաղորդվում է, որ լոնդոնյան գրանդը պատրաստ է բաց թողնել Էմերսոնին, եթե նրա համար նվազագույնը 29 միլիոն եվրո առաջարկ արվի։
Հիշեցնենք, որ ավելի վաղ տեղեկություններ էին հայտնվել, որ ֆուտբոլիստին հետևում են «Միլանը» և «Յուվենտուսը»։ Այս մրցաշրջանում Էմերսոնը խաղադաշտ է դուրս եկել 23 խաղում՝ ներառյալ բոլոր մրցաշարերը, և դարձել մեկ գոլի հեղինակ։ Պաշտպանի աշխատանքային պայմանագիրը «Թոթենհեմի» հետ նախատեսված է մինչև 2026 թվականի կեսերը։
