Խուլեն Լոպետեգին չի գլխավորի «Միլանը»:

Իսպանացի մասնագետը ֆավորիտ էր ռոսոներիների գլխավոր մարզչի պաշտոնում. նրա թեկնածությունը հավանություն էր տվել ակումբի սեփականատեր  Ջերի Կարդինալեին: Կողմերը քննարկել են 3 տարվա պայմանագիր։

Սակայն, ըստ La Gazzetta dello Sport-ի, միլանցիները հրաժարվել են Լոպետեգիին հրավիրել երկրպագուների բողոքից հետո: Nopetegui կոչվող խնդրագիրը 48 ժամում ստորագրել է ավելի քան 10 հազար մարդ։

«Միլանը» շուտով կվերսկսի նոր մարզչի փնտրտուքները։ Նա պետք է համապատասխանի հետևյալ պահանջներին՝ զարգացնի երիտասարդ խաղացողներ, ունենա միջազգային փորձ և համագործակցի ակումբի ղեկավարության հետ որոշակի որոշումներ կայացնելիս։