Հայտնի են դարձել «Բավարիայում» մարզիչ Թոմաս Տուխելին փոխարինելու հիմնական թեկնածուները։
Ինչպես հայտնում է The Times-ը, գլխավոր մարզչի պաշտոնի հիմնական թեկնածուն դարձել է Ռոբերտո Դե Զերբին, ով գլխավորում է «Բրայթոնը»։
Մյունխենյան ակումբի ղեկավարությունը բարձր է գնահատում 44-ամյա մասնագետին, մասնավորապես, մարզական տնօրեն Մաքս Էբերլը Դե Զերբիի մեծ երկրպագու է։ Նա արդեն պարզում էր, թե արդյոք Ռոբերտոն հասանելի կլինի ամռանը բանակցությունների համար։
Ըստ աղբյուրի՝ «Բավարիայի» մարզչի թեկնածուների թվում են նաև Յուլիան Նագելսմանը, ով ներկայումս ղեկավարում է Գերմանիայի հավաքականը, և Ավստրիայի հավաքականի մարզիչ Ռալֆ Ռանգնիկը։
Ավելի վաղ հաղորդվում էր, որ Դե Զերբիի պայմանագրում «Բրայթոնի» հետ գնման կետ կա 15 միլիոն եվրո։
44-ամյա իտալացին անգլիական ակումբը գլխավորում է 2022 թվականի սեպտեմբերից։
Պրեմիեր Լիգայի մրցաշարային աղյուսակում «Բրայթոնը» 29 հանդիպումներից 42 միավորով զբաղեցնում է 9-րդ տեղը։
