«Ալ-Նասրի» հարձակվող Կրիշտիանու Ռոնալդուն Սաուդյան Արաբիայի առաջնության 26-րդ տուրի «Աբհայի» հետ խաղում տուգանային հարվածներից երկու գոլ է խփել։
Պորտուգալացին գոլի հեղինակ է դարձել 11-րդ և 21-րդ րոպեներին։
Ռոնալդուն իր նախորդ տուգանային հարվածով գոլ էր խփել 2023 թվականի մարտի 23-ին Պորտուգալիայի հավաքականի կազմում Լիխտենշտեյնի դեմ խաղում։
Մինչ այսօր Ռոնալդուն երեք անգամ մեկ խաղում երկու տուգանային հարվածով գոլ է խփել.
- 2008 թվականի նոյեմբերի 15-ին «Սթոք Սիթիի» դեմ Պրեմիեր Լիգայում
- 2009 թվականի սեպտեմբերի 15-ին Ցյուրիխի դեմ Չեմպիոնների Լիգայի խմբային փուլում
- 2011 թվականի մայիսի 15-ին «Վիլյառեալի» դեմ Լա Լիգայում
Հատկանշական է, որ Լիոնել Մեսսին իր կարիերայի ընթացքում երեք անգամ տուգանային հարվածներից երկու գոլի հեղինակ է դարձել։
Ընդհանուր առմամբ, Մեսսին իր կարիերայի ընթացքում տուգանային հարվածներից 65 գոլ է խփել, Ռոնալդուն՝ 63։
