Մադրիդի «Ռեալի» նախկին մարզիչ Զինեդին Զիդանը բարձր է գնահատել մադրիդցիների կիսապաշտպան Ջուդ Բելինգհեմի խաղը։
«Ջուդը հիանալի ֆուտբոլիստ է, և մենք բախտավոր ենք, որ նրան ունենք «Ռեալում»։ Նա շատ լավն է, հուսով եմ՝ Բելինգհեմը մեզ շատ տիտղոսներ կբերի»,- Զիդանի խոսքերն է մեջբերում Madrid Zone-ը։
20-ամյա Բելինգհեմը միացել է Մադրիդի «Ռեալին» 2023 թվականի ամռանը։ Ընթացիկ մրցաշրջանում կիսապաշտպանը մադրիդցիների կազմում անցկացրել է 31 հանդիպում բոլոր մրցաշարերում, դարձել 20 գոլի և 9 գոլային փոխանցման հեղինակ։ Նրա պայմանագիրն ակումբի հետ նախատեսված է մինչև 2029 թվականի ամառը։
