«Մանչեսթեր Յունայթեդը» հետաքրքրված է «Յուվենտուսի» պաշտպան Գլեյսոն Բրեմերով, հայտնում է Tuttosport-ը։

Աղբյուրի համաձայն՝ անգլիական ակումբը 26-ամյա բրազիլացուն տեսնում է որպես Ռաֆայել Վարանի պոտենցիալ փոխարինող, ով ամռանը կարող է հեռանալ թիմից։

Փետրվարի 15-ին հաղորդվում էր, որ «Յուվենտուսը» պատրաստ է բաց թողնել Բրեմերին ոչ պակաս, քան 75 միլիոն եվրոյի դիմաց։

Բրեմերը թուրինյան ակումբում հանդես է գալիս 2022 թվականի հուլիսից։ 2023/24 մրցաշրջանում ֆուտբոլիստը 25 խաղում դարձել է 2 գոլի հեղինակ։ Ֆուտբոլիստի պայմանագիրը թիմի հետ ուժի մեջ է մինչև 2028 թվականի հունիսի վերջը։