«Չելսիի» նախկին դարպասապահ Պետր Չեխը խոսել է 20 տարի առաջ «Բարսելոնա» իր անհաջող տեղափոխության մասին։ Չեխ նախկին ֆուտբոլիստն ընդգծել է, որ տեղափոխությունը չի կայացել թիմի ներկայիս նախագահ Ժոան Լապորտայի՝ կատալոնական ակումբի ղեկավար կազմ ժամանելու պատճառով։
«Եթե Լապորտան չհաղթեր 2003 թվականի ընտրություններում, ես պայմանագիր կկնքեի «Բարսելոնայի» հետ»։
Չեխը «Չելսի» տեղափոխվեց «Ռենից» 2004 թվականի հուլիսին 13 միլիոն եվրոյի դիմաց: Դարպասապահը լոնդոնյան ակումբում անցկացրել է 11 մրցաշրջան, որոնց ընթացքում թիմի հետ նվաճել է 15 գավաթ, ներառյալ ՈՒԵՖԱ-ի Չեմպիոնների լիգան:
