«Բավարիան» հույս ունի, որ հիմնական դարպասապահ Մանուել Նոյերը Գերմանիայի առաջնության 21-րդ տուրի «Բայերի» հետ խաղից առաջ ժամանակ կունենա վերականգնվելու ծնկի վնասվածքից, հայտնում է Bild-ը։
Աղբյուրի փոխանցմամբ՝ փետրվարի 8-ին ֆուտբոլիստը մարզվել է անհատական ծրագրով։ Սակայն մարզչական շտաբը պլանավորում է խաղացողին վերադարձնել թիմի հետ մարզումներին վաղը՝ փետրվարի 9-ին։
2022 թվականի դեկտեմբերին Նոյերը ձմեռային արձակուրդի ժամանակ դահուկ քշելիս ոտքի կոտրվածք ստացավ։ Անցած հոկտեմբերին 37-ամյա դարպասապահը 10 ամսվա ընթացքում առաջին անգամ դուրս եկավ խաղադաշտ։
Այս մրցաշրջանում Նոյերը բոլոր մրցաշարերում անցկացրել է 12 հանդիպում, բաց է թողել 11 գոլ և 7 անգամ անառիկ պահել սեփական դարպասը։
