Պորտուգալական երկրորդ դիվիզիոնի «Վիլավերդենսե» ակումբը նոր ֆուտբոլիստ է գնել։ Նա 45-ամյա հարձակվող է, ով երբեք չի խաղացել և ամերիկյան հայտնի մեդիա աստղ Փերիս Հիլթոնի ազգականն է, հայտնում է A Bola-ն։
Խոսքը Հիլթոնի ամուսնու եղբոր՝ Քորթնի Ռեյմի մասին է։ Նա ֆուտբոլ է խաղացել միայն համալսարանական մակարդակով։ Թիմի մամուլի քարտուղարությունը պատասխանել է A Bola-ի խնդրանքին, որ Ռեուման ընտրվել է սկաուտական բաժնի կողմից, և որ «նրա տարիքը խնդիր չի լինի, քանի որ Քորթնին 20-ամյա ֆուտբոլիստի էներգիա ունի»:
19 տուրից հետո «Վիլյավերդենսեն» Պորտուգալիայի երկրորդ լիգայի մրցաշարային աղյուսակում զբաղեցնում է նախավերջին տեղը։