Մադրիդի «Ռեալի» նախկին գլխավոր մարզիչ Զինեդին Զիդանը Ալժիրի հավաքականը գլխավորելու առաջարկ է ստացել, սակայն հրաժարվել է այդ հնարավորությունից, հայտնում է L’Equipe-ը։
Ալժիրի ֆուտբոլի ֆեդերացիան թիմի գլխավոր մարզիչ է փնտրում այն բանից հետո, երբ Ջամել Բելմադին հրաժարական տվեց Աֆրիկայի ազգերի գավաթում ազգային հավաքականի ձախողման պատճառով. Ալժիրը չկարողացավ դուրս գալ խմբից:
Զիդանի ծնողները 1953 թվականին Ալժիրի Կաբիլիա շրջանից գաղթել են Փարիզ՝ Ալժիրի պատերազմի սկսվելուց առաջ, ուստի այս երկիրը Զինեդինի համար օտար չէ։
Զիդանը «Ռեալից» հեռանալուց հետո 2021 թվականից առանց աշխատանքի է։
