«Մանչեսթեր Սիթիի» և Անգլիայի հավաքականի կիսապաշտպան Կալվին Ֆիլիպսի վարձավճարով չի տեղափոխվի «Բարսելոնա»։ Այս մասին հայտնում է Sport.es-ը։
Աղբյուրի տեղեկություններով՝ կատալոնական ակումբը հետաքրքրված է 28-ամյա կիսապաշտպանի հետ համագործակցությամբ, սակայն ակումբի ղեկավարությունը մտադիր չէ վճարել ֆուտբոլիստի վեց ամսվա վարձավճարը։ «Մանչեսթեր Սիթին» իր հերթին ներկա պահին պատրաստ չէ համաձայնել նման պայմաններին։
Ֆիլիպսը «Մանչեսթեր Սիթի» է տեղափոխվել 2022 թվականի ամռանը «Լիդսից» 49 միլիոն եվրոյի դիմաց: Այս մրցաշրջանում կիսապաշտպանը «քաղաքայինների» կազմում մասնակցել է ընդամենը 10 հանդիպման բոլոր մրցաշարերում, որտեղ խաղադաշտում անցկացրել է 319 րոպե և խփել ընդամենը մեկ գոլ։
Ֆուտբոլիստի պայմանագիրն անգլիական ակումբի հետ ուժի մեջ է մինչև 2028 թվականի հունիսի վերջը։ Ֆուտբոլիստի գնահատված արժեքը, Transfermarkt ինտերնետային պորտալի տվյալներով, կազմում է 28 միլիոն եվրո։
