Կալվին Ֆիլիպսը կարող է հեռանալ «Մանչեսթեր Սիթիից» առաջիկա շաբաթներին՝ այս մրցաշրջանում սահմանափակ խաղաժամանակ ստանալուց հետո:
28-ամյա կիսապաշտպանին մեծապես կապում են «Նյուքասլի» և «Յուվենտուսի» հետ, սակայն վերջին շաբաթների ընթացքում ռադարներում հայտնվել են նաև այլ ակումբներ, ինչպիսիք են «Քրիսթալ Փելասը»:
Մինչդեռ talkSPORT-ը հայտնում է, որ «Վեսթ Հեմը» նույնպես դիտարկում է Ֆիլիպսի հետ պայմանագիր կնքելու հնարավորությունը։ Ներկայումս թիմը Անգլիայի առաջնության մրցաշարային աղյուսակում զբաղեցնում է վեցերորդ հորիզոնականը։
Նշենք, որ Transfermarkt հեղինակավոր պորտալի մասնագետները Կալվին Ֆիլիպսին գնահատում են 28 մլն եվրո։
