Շաբաթ օրը Դորտմունդի «Բորուսիան» ոչ-ոքիի գրանցեց Բունդեսլիգայի «Աուգսբուրգի» հետ արտագնա խաղում (1:1): Ներկայումս «իշամեղուները» Գերմանիայի առաջնության մրցաշարային աղյուսակում զբաղեցնում են հինգերորդ տեղը։
Չնայած Բունդեսլիգայում ոչ լավագույն ելույթներին՝ «Բորուսիայի» ղեկավարները դեռ աջակցում են թիմի գլխավոր մարզիչ Էդին Թերզիչին։ Սրա մասին հաղորդում է SportBild-ը։ Թերզիչին աջակցում են, ի թիվս այլ բաների, Չեմպիոնների Լիգայում նրա հաջող ելույթի պատճառով. «իշամեղուները» խմբում առաջին տեղն են զբաղեցրել ՊՍԺ-ի, «Միլանի» և «Նյուքասլի» հետ միևնույն խմբում:
Գերմանիայի առաջնության հաջորդ հանդիպումը «Բորուսիան» կանցկացնի դեկտեմբերի 19-ին՝ «Մայնցի» հետ:
