«Ռոմայի» գլխավոր մարզիչ Ժոզե Մոուրինյոն դժգոհել է կեղծ լուրերից։ Ավելի վաղ հաղորդվում էր, որ պորտուգալացին ֆուտբոլիստներից խորհրդանշական հավաքական է կազմել։
«Կեղծ լուրեր. Ժոզե Մոուրինյոն ընտրում է իր խորհրդանշական հավաքականը։ Ես երբեք չեմ արել դա: Ես միշտ մերժել եմ։ Սա կեղծ է. Ես սա երբեք չեմ արել և չեմ անի: Ես ունեի այնքան բարձրակարգ խաղացողներ, բայց ամենակարևորն այն է, թե ինչ են ինձ տվել այս խաղացողները: Նրանք տվել են ամեն ինչ՝ որակ, ուժ, արյուն և հոգի, նրանք բոլորն իմ խորհրդանշական թիմի մի մասն են։ Ահա թե ինչու ես միշտ հրաժարվում եմ ընտրել 11-ին։
Ես սիրում եմ իմ խաղացողներին և հարգում եմ իմ խաղացողներին»,- գրել է Մոուրինյոն սոցցանցերում։
