Կիսապաշտպան Էդուարդո Բովեն երկարաձգել է պայմանագիրը «Ռոմայի» հետ։
Ինչպես հայտնում է «Գայլերի» մամուլի ծառայությունը, 21-ամյա ֆուտբոլիստը աշխատանքային պայմանագիր է կնքել, որը նախատեսված է մինչև 2027/28 մրցաշրջանի ավարտը։
Բովեն «Ռոմայի» սան է: Հռոմեացիների առաջին թիմի կազմում կիսապաշտպանը անցկացրել է 66 հանդիպում, որոնցում դարձել է չորս գոլի և երկու գոլային փոխանցման հեղինակ իր գործընկերների կազմում։ Ներկա պահին «Ռոման» Իտալիայի առաջնության մրցաշարային աղյուսակի չորրորդ տեղում է:
