Մադրիդի «Ռեալի» գլխավոր մարզիչ Կառլո Անչելոտտին կարծում է, որ Լևերկուզենի «Բայերի» մարզիչ Խաբի Ալոնսոն ի վիճակի է փոխարինել իրեն «Ռեալում»։
Հիշեցնենք, որ իսպանացին իտալացու գլխավորությամբ հանդես է եկել Մադրիդի «Ռեալում» 2013/14 մրցաշրջանում։
«Խաբի Ալոնսոն անհավանական ֆուտբոլիստ էր։ Կարծում եմ՝ նա կարող է փոխարինել ինձ։ Նա լավ մարզիչ լինելու բոլոր որակներն ունի։ Ինձ դուր է գալիս, թե ինչպես է Խաբին մարզում իր թիմին։
Ալոնսոն այժմ իմ սիրելի մարզիչներից մեկն է։ Անկասկած, նա ի վիճակի է ապագայում գլխավորել Մադրիդի «Ռեալը», – ասել է Անչելոտտին մամուլի ասուլիսի ժամանակ։
Հիշեցնենք, որ մրցաշրջանի ավարտին Կառլոյի պայմանագիրը մադրիդյան ակումբի հետ ավարտվում է։
