Իտալական «Միլանի» լեգենդ Պաոլո Մալդինին նշել է իր լավագույն ընկերներին ֆուտբոլային աշխարհում։
«Ես շատ ջերմ հարաբերություններ ունեմ Անջելո Կարբոնեի, Իբրահիմ Բայի, Ալեսանդրո Կոստակուրտայի հետ։ Վիերի՞ Նա և ես «Միլանում» միասին խաղացինք ընդամենը վեց ամիս, բայց մենք լավ աշխատեցինք հավաքականում։ Շատ մարդիկ կան, որոնց հետ ես մեծ հաճույքով հանդիպում ու շփվում եմ»,- Մալդինիի խոսքերն է մեջբերում pianetamilan.it-ը։
Հիշեցնենք, որ 55-ամյա Մալդինին իր ողջ կարիերան անցկացրել է «Միլանում» որպես ֆուտբոլիստ, նա խաղացել է 1985-ից 2009 թվականներին։ 2018 թվականի օգոստոսին Մալդինին նշանակվեց ակումբի զարգացման տնօրեն, իսկ մեկ տարի անց ստացավ տեխնիկական տնօրենի պաշտոնը։
