«Բարսելոնայի» դարպասապահ Մարկ-Անդրե տեր Շտեգենը մեջքի վնասվածքի պատճառով բաց կթողնի Գերմանիայի հավաքականի առաջիկա հանդիպումները։
Այս մասին հայտնել է ազգային հավաքականի գլխավոր մարզիչ Յուլիան Նագելսմանը։
«Տեր Շտեգենը բաց կթողնի երկու հանդիպումները, նա մեջքի սուր ցավեր ունի։ Սպասվում է, որ նա վաղը կուղևորվի Բարսելոնա: Նա չի կարողանա ոչ խաղալ, ոչ մարզվել»,- Նագելսմանի խոսքերն է մեջբերում Sport1-ը։
Գերմանիայի հավաքականը նոյեմբերի 18-ին Բեռլինում ընկերական հանդիպում կանցկացնի Թուրքիայի հետ, իսկ նոյեմբերի 21-ին Վիեննայում կմրցի Ավստրիայի հետ։
