Իսպանացի դարպասապահ Դավիդ դե Խեան, ով ներկայումս թիմ չունի, կարող է որոշել կարիերան ավարտել, քանի որ աստիճանաբար ներքաշվում է ֆուտբոլային կառավարման աշխարհ:
Ինչպես հայտնում է իսպանական AS հրատարակությունը, Դե Խեան այժմ դիտարկում է իսպանական «Էլդենսե» ակումբը ձեռք բերելու հնարավորությունը, որը հանդես է գալիս իսպանական ֆուտբոլի երկրորդ լիգայում։
«Էլդենսեն» վերադարձավ այնտեղ անցյալ տարի 59 տարվա բացակայությունից հետո, սակայն սեպտեմբերի վերջին ակումբը վաճառքի հանեց նրա նախագահ Պասկալ Պերես Կաստիլյոն։ Աղբյուրի փոխանցմամբ՝ Դե Խեան արդեն հանդիպել է «Էլդենսեի» նախագահի հետ, սակայն բանակցությունների մանրամասները չեն հաղորդվում։
