Կատալոնական «Բարսելոնայի» մարզիչ Չավի Էրնանդեսը Բիլբաոյի «Ատլետիկի» նկատմամբ տարած հաղթանակից հետո (1:0) պատասխանել է լրագրողների հարցերին։
Մասնավորապես, նա խոսել է Լա լիգայի 11-րդ տուրում Մադրիդի «Ռեալի» հետ առաջիկա հանդիպման սպասելիքներով։
«Էլ Կլասիկոն կարևոր հանդիպում է մեր թիմի համար, բայց մինչ այդ մենք խաղ ունենք Չեմպիոնների Լիգայում։
Հիմա մենք խնդիրներ ունենք ֆուտբոլիստների վնասվածքների պատճառով։ «Ատլետիկի» հետ վերջին հանդիպմանը մենք բոլոր ջանքերը գործադրեցինք հաղթելու և «Ռեալից» հետ չմնալու համար։
Էլ Կլասիկոյում հաղթանակը շատ կարևոր է լինելու, հատկապես, որ խաղում ենք տանը»,- մասնագետի խոսքերն է մեջբերում Marca թերթը։
«Բարսելոնա» – «Ռեալ» հանդիպումը կկայանա հոկտեմբերի 28-ին։
