Իսպանիայում Իրանի դեսպանատունը հերքել է տեղեկությունն այն մասին, որ «Ալ-Նասրի» հարձակվող Կրիշտիանու Ռոնալդուին սպառնում է մտրակի 99 հարված՝ երկրի օրենսդրությունը խախտելու համար։ Ֆուտբոլիստին դատարանի որոշումներ չեն տրվի։
«Մենք կտրականապես հերքում ենք Իրանում միջազգային որևէ մարզիկի նկատմամբ ցանկացած դատողություն։ Մտահոգիչ է, որ նման անհիմն լուրերի հրապարակումը կարող է ստվերել մարդկության դեմ հանցագործությունները։ Հարկ է նշել, որ Կրիշտիանու Ռոնալդուն սեպտեմբերի 18-ին և 19-ին ժամանել էր Իրան՝ մասնակցելու պաշտոնական ֆուտբոլային հանդիպման և արժանացել ժողովրդի և իշխանությունների ջերմ ընդունելությանը: Նրա անկեղծ և մարդկային հանդիպումը Ֆաթիմա Համամիի հետ նույնպես բարձր է գնահատվել»,- ասվում է Իրանի դեսպանատան սոցիալական ցանցերում տարածած հաղորդագրության մեջ։
Հիշեցնենք, որ հոկտեմբերի 11-ին հաղորդվել էր, որ Ասիայի Չեմպիոնների Լիգայի «Պերսեպոլիսի» դեմ խաղից առաջ (2:0) իր թիմի հետ երկիր այցելելիս Ռոնալդուն հանդիպել է տեղի արտիստուհու հետ, որի ժամանակ նա գրկել և համբուրել է նրան։ Այսպիսով, ֆուտբոլիստը խախտել է Իրանում գործող խիստ օրենքները։ Իրանական լրատվամիջոցները նշել են, որ Ռոնալդուն կարող է պատժվել մտրակի 99 հարվածով, եթե նա կրկին այցելի երկիր։
