«Ռոմայի» կիսապաշտպան Նիկոլա Զալևսկին որակազրկվում է «Սալերնիտանայի» հետ Ա Սերիայի խաղի վրա խաղադրույք կատարելու համար, հայտնում է La Repubblica-ն։
Աղբյուրի փոխանցմամբ՝ ֆուտբոլիստը խաղադրույք է կատարել, որ այդ խաղում դեղին քարտ կստանա։ 94-րդ րոպեին 21-ամյա լեհը խափանեց հակագրոհը՝ բռնելով մրցակցի մարզաշապիկից ու դեղին քարտ ստացավ։
Իտալական օրենսդրության համաձայն՝ մարզիկներին արգելվում է խաղադրույք կատարել այն մարզաձևերի վրա, որոնք իրենք ներկայացնում են։
Ավելի վաղ հաղորդվում էր, որ «Նյուքասլի» կիսապաշտպան Սանդրո Տոնալին և «Գալաթասարայի» կիսապաշտպան Նիկոլո Զանիոլոն, ով այժմ վարձավճարով հանդես է գալիս «Ասթոն Վիլայում», կարող են մեղադրվել ֆուտբոլային խաղերի վրա անօրինական խաղադրույքներ կատարելու մեջ։
