«Չելսիի» գլխավոր մարզիչ Մաուրիսիո Պոչետինոն կիսվել է թիմի ավագ Ռիս Ջեյմսի հնարավոր որակազրկման վերաբերյալ իր կարծիքով։
«Ես պատկերացում չունեմ, թե ինչ կլինի։ Ես պարզապես ցանկանում եմ, որ Ռիսը որքան հնարավոր է շուտ սկսի մարզվել թիմի հետ: Ես ոչինչ չեմ կարող ասել մրցավարի հետ կապված իրավիճակի մասին, քանի որ ոչինչ չեմ տեսել»,- ասել է Պոչետինոն մամուլի ասուլիսի ժամանակ։
Պաշտպանին մեղադրել են «Ասթոն Վիլայի» դեմ խաղում մրցավարի նկատմամբ ոչ պատշաճ պահվածքի համար։
